Onurğa cərrahiyyəsi
Onurğa sütununun anadangəlmə və ya sonradan inkişaf edən skolioz, kifozu, onurğa sütununun fəsadlaşmış sınıqları (travmatik və ya patoloji), fəqərə sürüşmələri, və s. cərrahi (ön- arxa cərrahiyyə və yaxud kombinasiyası) yolla müalicə edilir.
Endoprotez cərrahiyyəsi
Travma, artritlər və s. nəticəsində Çiyin, bud-çanaq, diz və s. oynaqları qığırdağının zədələnməsi nəticəsində yaranan deformasiyaların müalicəsində endoprotezləşmə (oynağın yeni oynaqla əvəz edilməsi) cərrahi əməliyyatları uğurla icra edilir.
İdman travmaları cərrahiyyəsi
İdman zamanı oynaqlarımız xüsusilə çiyin və diz zədələnir. Dizdə çarpaz, yan bağların və menisklərin yırtığı, çiyin oynağında isə vətərlərin və qığırdaqların qopması müşahidə edilir. Bu zədələnmələr endoskopik üsulla cərrahi olaraq mualicə edilir.
Dr. Elviz Qasımov
Əməkdar həkim
Onurğa cərrahı, ortoped-travmatoloq, idman həkimliyi üzrə mütəxəssis, fəlsəfə doktoru
Ortoped travmatoloq Dr. Elviz Qasımov 1993–2001-ci illər aralığında Hacettepe Universitetinin Tibb fakültəsində (İngilis sektoru) təhsil almış və 2002-2007-ci illər ərzində isə Mərmərə Universitetinin Xəstəxanası Ortopediya ve Travmatologiya Kafedrasında Tibbdə Uzmanlıq təhsilini başa çatdırmışdır.
Müasir yanaşma
Tibbin ən son yeniliklərinə əsaslaraq müayinə və müalicə planların tətbiqi
Fərdi müalicə planı
Hər pasiyentə və xəstəliyə qarşı individual yanaşma və risklərin təyini
Tam sterillik
Mövcud vəziyyətlə əlaqədar sterilliyə daha da həssas yanaşma
Göstərdiyimiz ortopedik və travmatoloji xidmətlər
Ortoped travmatoloq Dr. Elviz Qasımov tərəfindən icra olunan əməliyyatlar və müalicə edilən xəstəliklərin tam siyahısına aşağıda qeyd olunmuş bloklardan nəzər sala bilərsiniz.
01.
Onurğa deformasiyalarının cərrahi yolla aradan qaldırılması (Skolioz, Kifoz)
02.
Oynaqların hissəvi və tam endoprotezləşməsi
03.
Fəqərələrin, çanaq sümüklərinin, həmçinin yuxarı və aşağı ətraf sınıqlarının cərrahi (açıq və ya qapalı) yolla fiksasiyası
04.
Tam və ya hissəvi qopmuş ətrafların replantasiyası (yerinə tikilməsi)
05.
Artroskopik əməliyyatlar, xüsusilə diz oynaqlarında menisklərin və çarpaz bağın bərpası. Qığırdaq əkilməsi
06.
Uşaq ortopediyası, yastıpəncəlik, bud-çanaq displaziyası və s. xəstəliklərin müalicəsi və əməliyyatları
İşimizin nəticələri
Pasiyent məmnunluğu bizim üçün çox önəmlidir. Aşağıdakı müdaxilələrdə əməliyyatdan əvvəlki və sonrakı nəticələrimizlə daha yaxından tanış ola bilərsiniz.
